 Arkeologët kinezë kanë gjetur një ndërtesë në formën e piramidës, 5000 vjet të vjetër në Provincën Autonome të Mongolisë së Brendshme e cila ndodhet në Kinën e Veriut.
"Piramida", e cila ndodhet në një kreshtë mali një kilometër në veri të qytetit Sijiazi, është një ndërtesë trekatëshe, ku kati i parë është 30 metra i gjatë dhe 15 metra i gjërë.
Sipas arkeologut kinez Guo Dashun të Insitutit të Kërkimeve Arkeologjike të Liaoning-ut, "piramida" i përket Qytetërimit Hongshan të periudhës së Neolitit, 5 deri 6 mijë vjet më parë.
Në majë të "piramidës" janë gjetur 7 varre dhe rrënimet e një altari. Pranë altarit u gjetën pjesë poçesh të thyera në të cilat ishte gdhendur shkronja kineze për orizin "mi". Arkeologët mendojnë se gdhendja e kësaj shkronje në këto vazo duhet të ketë të bëjë me mënyrën se si njerëzit në kohët e lashta kuptonin astrologjinë.
Në njërën prej varreve u gjet një fyell dhe një unazë prej kocke, ndërsa nga një varr tjetër u nxorr një skulpturë të një perëndie me madhësitë e trupit të një njeriu të gdhendur në gur.
Guo thotë se shumë prej relikeve të nxjerra janë gjëra që po zbulohen për herë të parë ndonjëherë.
Përgatiti Alvin Ekmekçiu
Burimi: Kina e Re
Vë re! Respekto punën tonë ! Mos përdor shkrimet e kësaj reviste pa lejen tonë dhe pa vënë në dukje se puna e kujt është !
| 
