Dikur të konsideruara si bimë, sfungjerët nxjerrin në pah tipare të veçanta "kafshërore" -- si qeliza sportive të shumëfishspecializuara që punojnë së bashku dhe komunikojnë me njëra-tjetrën në një mënyrë të veçantë kafshërore. Ata janë kafshët e vetme të cilat nëse copëtohen deri në nivelin e hojëzave të tyre janë në gjendje që në mënyrë mrekullore të ngjisin sërish vetveten dhe të kthehen sërish në jetë. Këto krijesa që në pamje duken të pajetë janë gjithashtu pompa të shkëlqyera që filtrojnë tonelata me ujë vetëm për të vjelur disa grima ushqimi mikroskopik.

Po nga e dimë ne se sfungjerët janë stërgjyshërit tanë ? Ka dalur që të gjithë organizmat në gjenet e tyre bartin të dhëna mbi historinë e tyre evolucionare -- një grupazh të veçantë ndryshimesh të përvetësuara gjenetike të përcjellura përmes brezash të panumërt. Ky fakt lejoi Mitch Sogin të krahasojë dhe ballafaqojë grupazhe të caktuara diferencash gjenetike ndër kafshë.

Sogin e kreu zbulimin e tij duke shkëputur DNA nga një sfungjer dhe hetuar një gjen të përbashkët për të gjithë kafshët. Pas sekuencimit me kujdes të këtij gjeni, ai krahasoi sekuencën e nukleotideve të tij (të përfaqësuar nga germa) me atë të të njëjtit gjen në kafshët e tjera si krimbat, gjitarët, insektet etj.. Një ndryshesë e vogël e këtij gjeni ndër grupe të ndryshme kafshësh do të thonte se këto grupe kanë lidhje të afërta ndërsa ndryshesat e mëdha do të përfaqësonin një lidhje më të largët. Pasi i krahasoi të gjitha grupet, Sogin piketoi një pemë familjeje të evolucionit, duke ditur që kafshët në bazën e pemës do të ishin stërgjyshërit tanë më të vjetër. Ai zbuloi se sfungjerët me të vërtetë, ishin grupi më bazor që duhet të kenë hedhur themelet për tërë jetën kafshore që ndoqi. "Sfungjeri ishte kafsha e parë e skicuar gjenetikisht për t''''u përhapur," thotë Sogin. "Të gjithë kafshët janë të bazuara në të njëjtën skicë."

(vijon me I pari që lëvizi)