Përqindja e vetëvrasjeve është e lartë ndër transseksualët.

Gjinia është ndërruar për herë të parë nëpërmjet operacionit në Angli më 1948-tën.
Suedia ishte vendi i parë në botë që e bëri të ligjshëm ndërrimin e gjinisë nëpërmjet operacionit më 1972-shin.

Nga një studim i quajtur "Transseksualizmi" i bërë nga psikiatri Mikael Land?n nga Goteborgu, del se në Suedi kanë ndërruar gjininë të paktën 400 vetë. Mosha mesatare ka qenë 25 vjeçare por më të shumtit kanë kërkuar të operohen që në moshën 18 vjeçare. Nëntë nga dhjetë të tillë ndjehen shumë më mirë pas operacionit. Shumë arrijnë të nisin për herë të parë jetën seksuale. Ndërsa përqindja e vetëvrasjeve pakësohet pas operacionit.

Rreth 20 persona në vit kërkojnë të ndërrojnë gjininë në Suedi.

Ai që kërkon të ndërrojë gjininë në Suedi duhet më parë të flasë me një mjek. Më pas kryhet një hetim i cili merr të paktën dy vjet - ku pacientit i duhet të kalojë përmes disa testeve dhe provave të jetesës si gjinia e kundërt. Mbas hetimit ndërrimi i gjinisë duhet të miratohet nga Këshilli Ligjor i Udhëheqjes Shoqërore. Nëse pacienti klasifikohet si i qëndrueshëm nga ana psiqike dhe shoqërore dhe si një "transseksual i vërtetë" atëherë bëhen përgatitjet për të ndërruar gjininë, së pari nëpërmjet trajtimit me hormone e pastaj operacionit.

Kështu kthehet një burrë në grua:
Gjendra e organit mashkullor kthehet në atë femrore, klitoris. Lëkura e penisit vishet mbrapsh brenda duke u kthyer në vaginë me ndihmë të hormoneve dhe kirurgjisë plastike. Hormonet bëjnë gjithashtu gjoksin të rritet. Qimet e padëshirueshme hiqen nëpërmjet elektrolizës, disa operojnë edhe kordat e zërit. Një burrë që është shndërruar në grua mund të arrijë orgazmë.

Kështu kthehet një grua në burrë.
Veza, matriksa dhe gjoksi hiqen. Krijohet një penis me lëkurë nga kofshët. Personi përdor kanalin e mëparshëm të urinës si dhe klitorisi mbetet. Gruaja e kthyer në burrë nuk mund të prodhojë spermë apo t´i ngrefet.